تلنگانہ اردو اکیڈیمی کی جانب سے ڈاکٹر عزیز سہیل کو کارنامہ حیات ایوارڈ

 

تلنگانہ اردو اکیڈیمی کی جانب سے ڈاکٹر عزیز سہیل کو کارنامہ حیات ایوارڈ

حیدرآباد(راست) تلنگانہ اردو اکیڈیمی کی جانب سے زمرہ ’تعلیم و تدریس‘سال2025ء کا ”پروفیسرحبیب الرحمن کارنامہ حیات“ایوارڈمحقق،ومبصر،نقاد،اور معلم اردو ڈاکٹر عزیز سہیل فرزند مولوی محمد عبدالغفار صاحب مرحوم نظام آبادکو، جناب محمد اظہر الدین وزیر اقلیتی بہبود،جناب محمد علی شبیرمشیرحکومت تلنگانہ،مسٹرطارق انصاری چیرمین اقلیتی کمیشن اورجناب طاہر بن حمدان صدر نشین تلنگانہ اردو اکیڈیمی ہاتھوں رویندار بھارتی میں منعقدہ تقریب یوم تعلیم و اقلیتی بہبود کے موقع پر دیا گیا۔ڈاکٹر عزیز سہیل بحیثیت اردو مدرس ٹمریز میں خدمات انجام دے رہی ہیں سابق میں بحیثیت لیکچرار ایم وی ایس گورنمنٹ ڈگری کالج محبوب نگر پرخدمات انجام دے چکے ہیں۔وہ پچھلے 25سالوں سے ادبی خدمات انجام دے رہے ہیں۔ ڈاکٹر عزیز سہیل کی اب تک گیارہ کتابیں شائع ہوچکی ہیں،متعددتحقیقی مضامین شائع ہوچکے ہیں وہ ڈاکٹر بی آر امبیڈکر یونیورسٹی کے نصابی کمیٹی کے رکن،ایس سی آرٹی کے نصابی کمیٹی کے رکن اور اردو اکیڈیمی کی اردو بنیادی کورس کتاب کے رائٹر کی حیثیت سے خدمات انجام دے چکے ہیں۔ان کی اردو ویب سائٹ معمار جہاں اور یو ٹیوب چینل ”معمار جہاں“کے عنوان سے فعال ہے۔ان کو اب تک کئی ایک اعزازت بھی حاصل ہوچکے ہیں۔اس ایوارڈ کے حاصل ہونے پرڈاکٹر عزیز سہیل کو ڈاکٹر محسن جلگانوی،ڈاکٹرعابد معز،ڈاکٹر عبدالقدیر مقدر، ڈاکٹر محمد اسلم فاروقی پرنسپل،ڈاکٹر ناظم علی سابق پرنسپل،ممتاز شاعرحلیم بابر،،مجید عارف، شریف اطہر،عبدالرحیم قمر،محمد نعیم،جی سوامی پرنسپل،محمد علی دانش سماجی جہد،ڈاکٹر مختار احمد فردین،سید جاوید، محسن خاں،حافظ عبدالمعید، محمد عبید اللہ،سید عبدالیقوم نے مبارکباد پیش کی۔