مولانا آزادکی بصیرت،طلبہ کے لیے رہنمائی کاروشن دریچہ

 

مولانا آزادکی بصیرت،طلبہ کے لیے رہنمائی کاروشن دریچہ

ٹمریز یاقوت پورہ بوائز 1 میں  جلسہ یوم اطفال ویوم تعلیم سے طارق انصاری کاخطاب

                حیدرآباد15نومبر(راست)طلبہ کے لیے مولا نا ابواکلام آزاد کی تعلیمات مشعل راہ ہیں،مولانا آزاد کی فکر و کردار سے نئی نسل کو سیکھنے کی ضرورت ہے ان خیالات کااظہار جناب طارق انصاری چیئرمین اقلیتی کمیشن تلنگانہ نے ٹمریز یاقوت پورہ بوائز 1 کے جلسہ یوم تعلیم و اقلیتی بہوداور یوم اطفال سے کیا انہوں نے مزید کہا کہ ہندوستان بھر میں آج مولانا آزاد کی یوم پیدائش کو قومی یوم تعلیم اور ریاست تلنگانہ میں یوم اقلیتی بہبود کے طور پر منایا جاتا ہے۔مولانا آزادکے کارناموں کو یاد کرتے ہوئے ان سے روشنی حاصل کرنے کی کوشش کی جارہی ہے۔ ملک آزاد ہوا تھا تو پنڈت نہرو نے مولانا آزاد سے کہا تھا کہ مولانا آپ نے تعلیم کے میدان میں نمایاں کارنامے انجام دئے ہیں۔ اس ملک کے نوجوانوں کو اچھی تعلیم کے زیور سے آراستہ کرنا ہے اور ملک میں معیاری تعلیم کا ڈھانچہ تیار کرنا ہے۔ اس لئے آپ اس ملک کے وزیر تعلیم کی ذمہ داری سنبھالیں۔ مولانا نے ملک کو ایک مضبوط تعلیمی نظام فراہم کیا۔آج 14نومبر کو ملک کے پہلے وزیر اعظم جواہر لالا نہرو کی یوم پیدائش کو یوم اطفال کے طور پر منایا جاتا ہے میں آپ سب کو یوم اطفال کی مبارکباد پیش کرتا ہوں اور امیدکرتا ہوں کہ آ پ ان شخصیات کو اپنا رول ماڈل بناکر اپنے مستقبل کو تابناک بنائیں گے۔انہوں ٹمریز سوسائٹی کی نمایاں کار کردگی پر جناب فہیم قریش صدر سوسائٹی اور جناب محمد شفیع اللہ سکریٹری کو مبارکباد پیش کی ساتھ ہی 11نومبر کا ڈاکٹر عزیز سہیل کوتلنگانہ اردو اکیڈیمی سے کارنامہ حیات ایوارڈ ملنے پر مبارکبادو نیک تمناؤ ں کا اظہار کیا۔قبل ازیں پروگرام کا آغاز محمدسبحان کی تلاوت سے ہوا۔طلبہ نے یوم تعلیم اور یوم اطفال کے موضوع پر تقاریر پیش کی اس جلسہ کوممتاز شاعرجناب ڈاکٹر طیب پاشاہ قادری، مولانا شاہ عالم،مسٹر سری کانت سب انسپکٹر پولیس بھاوانی نگر، کے۔لکشمی سب انسپکٹر پولیس بھاوانی نگر، جی سوامی اورڈاکٹر عز یز سہیل نے بھی مخاطب کیا۔سید عبدالقیوم نے میں آزاد ہوں کے عنوان پر مولانا کا رول اداجبکہ محمد زہیر نے چاچا نہرو کا رول کیا۔طلبہ نے تہذیبی و ثقافتی پروگرام پیش کئے۔محترمہ ششی کلانے نظامت کے فرائض انجام دئے۔ محترمہ پرسنا لکشمی کے شکریہ پر پرگرام کا اختتام عمل میں آیا۔